आगी बरय

फागुन आयो रे साँवरिया
कलियन भँवरा छेड़ रह्यो॥
मैहर सों लौट आयी कोयलिया
सूनी-सूनी बगियन शोर मच्यो।।

परदेस बसे नहिं आये साजन
जागी-जागी अँखियन भोर भयो॥

गदराय रयी महुवा झूम कें कहै
देखो मोहें आमा छेड़ रह्यो ॥

 माथे पे चार (प्रियाल) ने मौरा सजायो
पाँव काजू को भी भारी भयो॥

हार(खेत)-बगीचा सब बौराये

आगी बरय सेमर देहिंया ॥

 भीग गयी चुनरी, है भीगी अँगिया
लपट दिख रयी ना, बरय देहिंया ॥
गलियन-गलियन छोरा-छोरी
दैं पिचकारी जोरा-जोरी ॥

होरी में हर छोरा देवर लगय

रंग पिचकारी को जेवर लगय ॥

ना मैं जीतो ना तू हारी

प्यारी-प्यारी लागयँ गोरी तोरी गारी ॥

ऐसो रंग लगाय दऊँ गोरी

जनम-जनम ना भूलय होरी ॥

छोड़ कें ना जा पाय बाबरिया

गलियन-गलियन शोर मच्यो ॥